فوق ال ٥٠٠ حالة في ساحل العاج و بظروف تستوجب العودة الى لبنان سجلوا أسمائهم أتت الدولة اللبنانية كالمعتاد و بكرمها الذي تعدى كرم حاتم الطائي و أرسلت طائرة ( رفع عتب ) لانها لا تستطيع عدم إرسال بحكم عدد ابناء الجالية الموجود في ساحل العاج
على هذه الطائرة يمكن نقل ١٢٠ راكب
بدل ان نعمل بضمير و نرى ملفات المتقدمين بالطلب فنحدد من هو مضطر أكثر أتى الحل من السياسين و مثل العادة ( الو زبطلي هيدا بيقلك المعلم ) واسطة حتى اكتمل العدد و الله يرحم الي ما له أحد
حضرة النائب - سعادة البيك - قائد - مولانا ....
حرام عليكم بيكفي بقى و بدي احكي بالعامية قرفتوا العالم
جالية عددها يتقارب ال ٦٠٠٠٠ بتبعتوا طيارة ل ١٢٠ شخص و لغير دول بيرحلها ٣ طائرات و ٤ طائرات
الثنائي الشيعي ليش ساكتين مع العلم انه اغلب المغتربين هني من بيئتهم ! ( مع انه كلمتهم الي بتمشي بس ليش ساكتين الله اعلم ) بس المشكلة دايما منا نقول كرمال البلد !!! احترق نفس البلد و نحن منقطِّع هيدي و هيدي
ما بدنا واسطات لننزل على لبنان بتحسسونا نازلين على سويسرا الشرق فيقوا بطلت هيك ساحل العاج اعطتنا كل شي أمن أمان رزقة كرامة و لقمة عيش من لبنان ما طلعلنا الا باسبور مندفعلكم عليه سنوياً ٦٠٠٠٠ يلا منيح اقل من ٢٠$ حالياً
لا تلعبوا بارواح الناس اذا حدا مقدم اسمه و ما راح و صار عليه شي بيكون برقبة كل سياسة شغل الفيتامين_او ( واسطة ) و مرق حدا على حساب حدا
