رسالة من المغترب في فرنسا إبن بلدتنا أنصارية الأخ حسن علي جابر إلى المغتربين الذي سيحط رحالهم في لبنان في ال١ من تموز.

مني "محلل إقتصادي" بس حبيت شاركم هذا الرأي و بتمنى منكم تشاركوني رأيكم ايضاً..
من ١ تموز حيرجع ع لبنان كل يوم ٢٠٠٠ مغترب لبناني او اجنبي ..

بعملية حسابية بسيطة راح اعتبر انو كل يوم حيرجع ١٥٠٠ مغترب الي من… See More المعتاد انو ينزل كل صيفية يشوف أهله ويضهر و يغير جو
و ٥٠٠ شخص من الطلاب و الأجانب و...

هال١٥٠٠ شخص اقل واحد حيكون بجيبتو ٣٠٠٠$ و منهم ١٠٠٠٠$ كحد أقصى مسموح

حنعتبر انو المعدل حيكون ٥٠٠٠$ لكل شخص
فإذاً: ١٥٠٠*٥٠٠٠= ٧٥٠٠٠٠٠$ نعم ٧ مليون ونصف دولار يومياً ٢٢٥ مليون دولار شهر تموز

وصولًا ٤٥٠ مليون لآخر اب هيدي اذا ما زادو ١٠٪؜ من حركة الطيران

فإذا باختصار هيدي خطتهم لإعادة ضخ الدولار بالسوق اللبناني لإنقاذ سياستهم و بل سرقة هالاموال مجددا من خلال الصيارفة و و...

من هون حبيت اطلق مبادرة و هي أطلقت ب فرنسا لدعم كل المحلات الزغيرة و المشاريع العائلية
و حتى لو كان أقل classe و حتى لو مش بالمستوى المطلوب

#مني_وبالجر اذا نزلت ما راح اكل بسلسلة المطاعم العالمية
راح فتش عالمطاعم الزغيرة و ادعمها

مش راح روح ولا عاي منتجع او مسبح خاص بعرف انو مردوده لهيدا الحزب او لذاك المسؤول راح انزل عالخيم و اطلب اكل من المطاعم الزغيرة

مش راح انزل و اخد قهوة من ستاربوكس ب ١٥٠٠٠.. قهوة لؤي و القهاوي الصغيرة ما بتشكي من شي !!

بس بدّي صرف الدولار او اليورو مش راح روح عند الصراف
راح فتش عجاري المزنوق ع١٠٠$ كرمال يدفع القرض او عالطالب الي جايي يكفي علمه بأوروبا و مش ملاقي يورو يمكن تفرق معي شوي و اخسر بس بتصور ان الربح الاجتماعي اكتر بكتير

كتار حيفكرو انو حكي مثالي و ما بيطبق
بس انا اخدت هالفكرة من كتير كتير من زبائن المطعم الي بيجو بقلولي انو جايين نشتري من عندكم "لتكفو.." و من وقت فك الحجر كتار من الناس المقتدرين بفرنسا عم يتبعو هيدي السياسة

و بتصور انو نحن كقوة اغترابية قادرين و من واجبنا نقوم بنفس المبادرة بوطنا و نعمل انتعاش لمجتمعنا بعيدا عن وسخ السياسة و المصارف

و السلام ❤️