خطيب الشهيدة المسعفة سحر يبكيها: كل شي كان بدك ياه بعرسنا حيكون الا شوفتي فيكي بالأبيض

المصدر: فيد وطني

نعى جيلبير قرعان خطيبته الشهيدة المسعفة في فوج إطفاء بيروت سحر فارس ابنة القاع التي استشهدت في مرفأ بيروت بعدما حضرت مع 9 من رفاقها لإطفاء الحريق الذي سبق الانفجار وأودى بحياتهم.



وقال جيلبير في منشور على تويتر: “عروستي الحلوة كان عرسنا ب 6-6-2021 عم تزبطي بيتك على ذوقك ونجيب غراض ونحضر، انت ترقيتي بسرعة بالفوج وصرتي شهيدة برتبة وطن. عرسك بطل ب6-6-2021 صار بكرا يا عيوني.

كلشي كان بدك ياه حايكون موجود الا شوفتي فيكي بالفستان الأبيض. كسرتيلي ضهري يا روحي حرقتيلي قلب قلبي راحت طعمة الحياة مع غيابك عني. الله يحرق قلبو يلي حرمني منك ومن ضحكتك ومن حنيتك يا روحي انتي . بحبك وحا ضل حبك حتى صير معك ونكفي مشوارنا.