الكل يسمع: هالشي صار بمنطقة صور،، وخلونا نشوف الدولة والأوادم كيف رح يتحركوا ويتصرفوا.. الإم فلتت والبي بحبحب والأطفال نكبُّوا تحت الشتاء..

بالعامية: في شب من يومين فات عالبيت ولقى مرتوا مع واحد تاني وبحضنوا كمان…..
هالشي ما بهمنا ابداً لا هوي ولا هيي……
الإم تخلت عن أولادها وما بدها إياهم ، وبيها بدو يطلقها من زوجها…. مبارح بالليل في اوادم رجعوا اخدولها أولادها الاطفال يلي عمرهم ( سنة و سنتين و ثلاث سنوات ) ، قامت على قد ما هيي بتملك قلب كبير ومليان حب وأمومة، رمتهم تحت الشتاء…..
المصيبة هون وقعت،،،،، الإم فلتت والأب بيتعاطى وبحبحب وبشم،،،، والأطفال تحت الشتاء رموهم، ومنيح في حدن إدمي هلأ ضبهم شوي بس ما في يعملهم شي زيادة……..
للتوضيح:
ما حدن يتواصل معي ويحكيني ابدااااااا، ويلي بدو شي يتفضل يروح هوي بحالوا ويبرم على هالأطفال وين مرميين بأي زاوية وبأي نقعة مي كانوا…… لأن الكل بقروش حكي عالفاضي وما بيعمل شي كالعادة…….
يا عيب الشوم على هيك إم وهيك بي وهيك جد للأطفال…….
برسم مين؟!
أكيد لا أحد،،،، لأن ما حدن بيعمل شي ابدا،،،،، لا هيدا ولا هيدا بهمهم هيك قصص وهيك مواضيع، لانو ما بجبلهم اصوات بالانتخابات وما في داعي يفوتوا فيه……
ما حدن يطلع ويتكبر ويعمل ابو ربها انو هوي بدو وبدو وبدوووو، كل واحد يقلع بخوازيقوا ويرجع يقلع بخوازيق العالم……
الخلاصة:
في تفاصيل بعد أكثر رح انشرها بعد ما اقدر اتواصل مع الام والبي وخليهم يحكوا ولو بفيديو صغير، لحتى ينعرف مصير هالاطفال وين رح يصيروا….
المصدر لهالخبر او الخبرية : الإعلامي وسام نبهان…..